We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Achterstevoorn

from Ex- Rapper by Walter Ego & Chillow

/

lyrics

Tis zo achterstevoorn va me
Achterstevoorn va me
Achterstevoorn va me
Achterstevoorn va me
Tis zo achterstevoorn va me
Achterstevoorn va me
Achterstevoorn va me
Achertstevoorn va me
Tis zo achterstevoorn va me
Achterstevoorn va me
Achterstevoorn va me
Tis zo achterstevoorn va me
Achterstevoorn va me

In de douche wrieft mn and nu zweet en speeksel an me vel
Kprobeern nie geconfronteerd te worden in de spegel met mezelven
Ezo negeernk de tegenstelling
Kokhalzen en vechten tegen weer een opwelling
Eur melding verdwient vant scherm
Woater lopt in de kroane, en ze derms
Me bloaze vult em op roar me koater voelt minder streng
Eigenoardig, helder moment
Bliekboar ziek e monster
Ken die kant noois gekend

Nu slaapk woadak nie sliepn
Khaatnt dak eur kunn riekn
Die lakens ezo bedriegen
Twas aal in feite vo nietn
Twas aatnt alleen mo liefde

Misschien moek liegen, ton doek je toch minder zeer
Sinds dak zo verre gegoan zien voelt nietn mir echt verkeerd
Da klein restje principes, kzie ze verre volledig verleerd
Kzitn op de rand van us nest, me boxer binnenstebutn gekeerd
Allene thus, gie was al weg toendak ik toekwaamn
Ik zie werkloos dus ken nie vee plekken mi vo no toe te goan
Ak ’t goed verstoan zoej ier moeten zien binn een eure
Ik zoekn achter een utleg, kweetn mor olf wadat er gebeurd is
Achterwoarts loop ‘k de deur ut, stap achter stap ’t stad in
Belachelijk gemakt deur ’t eerste daglicht, fuck it
Veugels flutn sarcastisch, das gemakkelijk aj ‘oog op e tak zit
Kom no beneedn en zeg ’t tegen me noazichte, wadde vint
Kgeloovn da me zelfvertrouwn lik nog zat is, tis zielig
Knikn iedereen goeiemorgen mo niemand ziej me
Achterwoartse schamtewandeling op vulle sneakers
Kunn me richting niemi kiezen

Nu kom ‘k toe woadak moen vluchten
De koede van die oenbekende kussens
In eur droenkn slape zucht ze
Ik te moewe vo nog te rusten
Kvervloekn de forte nuchtend

We komn alletwee nie vrees ik
Ofwezig
Probeer nog
Were heviger
Geef ’t me
Tussen lippen lik e belediging dat ingeslikt wordt
E belediging ist zeker
Eur slip ligt doa
Vergeten
Tis mo
Ebitje speeln toch
Lat us no me slapkamer goan ik verveeln me

Ak de gevolgen drvan verstoan worrom volgk eur ton no doa
Volgens mien ist gevolg van wen toch al teveel misdoan
Teveel alcohol dorrom droink
Spoart voorlopig de joint
Vo loater aje zoe wiln dak oois nog kunn rechtestoan
Ut de zetel woadaw in zitten
Eur oofd tegen me schoere just gelik dat
Echt is en gin vergissing
Eftjes nog sms’n
Zeggen dak bluvn pitn
Ergens anders, bie Dennis
Error op da berichtje
Allez verzend worrom wiltn nie
An beltegoed lig ’t nie
Lig ’t an mien of riedt de taxi te rappe
Elke bocht dat die mawfucka pakt oenk me vaste
Oenpasselijk trouwens oe kan ’t da we zo lang oenderweg moen zien
Oe moeilijk kut ’t zien vo joen adres te vienn
Je zei ik weunn vlakbie, kom mo hangn bie mien
Ken nog een overschot je zorgen goan vantzest verdwienn
Vergit nie da we mo mensen zien

Nu zegnk wadak verzwiegen
In eur nekke zodasse niemi kan kieken
Tussen mensen daw ontwieken
In de charla weg op vriedag
In eur vel is woadak bieten

De portiers detecteren gin slichte bedoelingn
Zis mee nor ier omdat ’t nog vroeg is wa zoeter te doen zien
Op zoek no voldoening
Voldoende goesting vo slichte DJ’s goed te vienn
Deur de meest goedkope gin met juice te miengn
Dezeste oefening van d’afgelopen weken
Verantwoordelijkheden oentwieken stabiliteit verveelt me
Kzien e lafoard kweet ’t, utgoan doe vergeten
Da we niemi spreken, neffest mekoar leven
Teruggegoan in ’t verhaal want vanaf ier kan ‘k nog were
Op ’t punt da wieder tope zitten t’ eetn
Natuurlijk ej gekookt, weeral
Een eur ej nodig ghad
Ik zitn in de zetel met de tv an
En kverschietn aj binnkomt
Slicht geweten
Schat worrom kiek je zo serieus
Ziet asjeblieft voorzichtig vanavond
Doe gin domme diengn

credits

from Ex- Rapper, released August 17, 2020

license

all rights reserved

tags

about

Catharsis-Productions image

Catharsis-Productions Izegem, Belgium

Catharsis-productions is a Belgian musiclabel and production house with its very own music- and photostudio.

We offer full support to a few artists with our label, from bookings to management, full project support for our artists. From studiotime to the physical and digital release of the project. ... more

contact / help

Contact Catharsis-Productions

Streaming and
Download help

Redeem code

Report this track or account

Catharsis-Productions recommends:

If you like Catharsis-Productions, you may also like:

Bandcamp Daily  your guide to the world of Bandcamp

On Bandcamp Radio

Featured guests are the golden-voiced Baby Rose and psyche soulsters Brainstory.
listen now